శభాష్ సన్నీ... బాగా చెప్పావ్

సెక్సీ స్టార్ సన్నీలియోన్‌కి సమస్యలే అనుకుంటే... మెచ్చుకోలు కూడా వస్తున్నాయా? అవునండి... ఆమెను ఓ నేషనల్ టీవీ జర్నలిస్టు ఇబ్బందికరమైన ప్రశ్నలు అడిగితే... సన్ని చాలా ఓపిగ్గా సమాధానమిచ్చింది కదా!... ఆ విషయంలో అమీర్ కూడా సన్నీని సపోర్ట్ చేశాడు. ఆ ఇంటర్య్వూ చూసిన వాళ్లంతా సన్నిలియోన్‌ని మెచ్చుకోకుండా ఉండలేకపోతున్నారు. తాజాగా బాలీవుడ్ ఫిల్మ్ మేకర్ అమోల్ పాలేకర్ భార్య సంధ్యా గోఖలే సన్నీకి బహిరంగంగా లేఖ రాసింది. ఆ లేఖలో సన్నీ నువ్వు సూపర్ అంటూ తెగ మెచ్చుకుంది. ఇక ఆ జర్నలిస్టుకి మాటలతో తెగ వాతలు పెట్టింది. స్త్రీలను ద్వేషించే వ్యక్తిగా, సంస్కారం లేని వ్యక్తిగా అభివర్ణించింది. 'సన్నీ... ఆ ఇంటర్య్వూ చూశాక నిన్ను మెచ్చుకోకుండా ఉండలేకపోతున్నాను... ఎంత చక్కగా ప్రవర్తించావు' అంటూ పొగడ్తలతో ఉత్తరాన్ని మొదలుపెట్టింది. జర్నలిస్టు సన్నీని మీ పాత జీవితం తలచుకుని పశ్చాత్తాపపడతారా అని అడిగాడు... ఆ ప్రశ్న అడగడం చాలా అనైతిక ప్రవర్తన అని ఉత్తరంలో పేర్కొన్నారు. కేవలం టీఆర్‌పీ రేటింగ్ పెంచుకునేందుకు అతను అలాంటి ప్రశ్నలు అడిగాడని అన్నారు. సన్నీ సినిమాలు చూసి తమ భర్తలు చెడిపోతారేమో అని భార్యలు పడుతున్నారని జర్నలిస్టు అనడం చాలా అమర్యాదగా ఉందని సంధ్యా పేర్కొన్నారు. ఇండియాలో ఎంత మంది మహిళలు పోర్న్ సైట్లు చూస్తున్నారో అతనికి తెలిసి ఉండదేమో అని వ్యాఖ్యానించారు.