Mobile AppDownload and get updated news
గతంలో ఏకవీర, వెంటాడు-వేటాడు చిత్రాల‌ను నిర్మించిన నిర్మాత శ్రీనివాస్‌ దామెర ప్రస్తుతం 5కల‌ర్స్‌ మల్టీమీడియా సమర్పణలో ఎస్‌టిఐఫ్‌ ఎంటర్‌ టైన్‌మెంట్స్‌ పతాకంపై 'హౌల్‌' అనే హాలీవుడ్‌ చిత్రాన్ని తెలుగులోకి 'దెయ్యాల‌బండి' పేరుతో విడుదల చేస్తున్నారు. ఇప్పటికే డబ్బింగ్‌ కార్యక్రమాలు పూర్తి చేసుకున్న ఈ చిత్రం ఈ నెల 23న ఇండియా వైడ్‌గా విడుదల‌వుతోంది. ఈ సందర్భంగా చిత్ర నిర్మాత శ్రీనివాస్‌ దామెర మాట్లాడుతూ... ''ఒక సిటీ నుంచి బయలు దేరిన ప్యాసింజర్స్‌ ట్రైన్‌ హెవీ రైన్‌ కారణంగా దట్టమైన అడవుల్లో చిక్కుకుపోతుంది. ఆ సమయంలో ఆ ట్రైన్‌ లోకి వింత వింత ఆకారాతో, హాహాకారాలు చేస్తూ కొన్ని దెయ్యాలు ఆ ట్రైనులోకి ఎంటరై అందులోని ప్యాసింజర్స్‌ని ఏ విధంగా చంపాయి? ఏంటి? అన్నది సినిమా కథ. ప్రతి సన్నివేశం ఎంతో ఉత్కంఠభరితంగా ఉంటుంది. ఇటీవల కాలంలో ఎన్నో హరర్‌ చిత్రాలు వచ్చాయి. కానీ ఇది పూర్తిగా డిఫరెంట్‌ ఫిల్మ్. హాలీవుడ్‌లో గతేడాది విడుదలై భారీ వసూళ్లు రాబట్టింది. తెలుగు ప్రేక్షకుల‌కు నచ్చుతుందన్న ఉద్దేశంతో ఈ చిత్రాన్ని తెలుగులోకి అనువదించి ఈనెల 23న విడుదల చేస్తున్నాం'' అన్నారు.