మీడియం, లో బడ్జెట్ చిత్రాలతో కామెడీకి కేరాఫ్ అడ్రస్ అయిన అల్లరి నరేష్ త్వరలోనే ఓ బడా ప్రొడ్యూసర్ సినిమాలో నటించబోతున్నాడు. అత్తారింటికి దారేది, నాన్నకు ప్రేమతో వంటి చిత్రాల్ని నిర్మించిన బీవీఎస్ఎన్ ప్రసాద్ నిర్మించబోయే తర్వాతి సినిమాలో అల్లరి నరేష్ లీడ్ రోల్ పోషిస్తున్నాడని సమాచారం. 'సీమ టపాకాయ్' ఫేమ్ జీ నాగేశ్వర్ రెడ్డి డైరెక్ట్ చేయనున్న ఈ సినిమాని ఔట్ అండ్ ఔట్ కామెడీ ఎంటర్‌టైనర్‌గా మలిచేందుకు ఇప్పటికే యూనిట్ సభ్యులు ప్లాన్ చేసుకుంటున్నారు. రెగ్యులర్‌గా హై బడ్జెట్ సినిమాలే కాకుండా అప్పుడప్పుడు మీడియం బడ్జెట్ చిత్రాలపై కూడా దృష్టిసారిస్తే బాగుంటుందనే ఉద్దేశంతోనే బీవీఎస్ఎన్ ప్రసాద్ ఈ చిత్రానికి ప్లాన్ చేస్తున్నట్టు సినీవర్గాలు చెబుతున్నాయి.
Mobile AppDownload and get updated news