సోనియాకు అస్వస్థతతో మధ్యలోనే ముగిసిన ర్యాలీ

యూపీ: వారణాసిలో కాంగ్రెస్ పార్టీ నిర్వహించిన ర్యాలీలో పాల్గొన్న సోనియా తీవ్ర అస్వస్థతకు గురయ్యారు. వైద్యుల సూచన మేరకు ఆమె అర్థాంతరంగా రోడ్ షో ముగించుకొని ఢిల్లీకి పయనయ్యారు. సోనియా కు ర్యాలీ సమయంలో తీవ్ర జ్వరం వచ్చిందని .. అందుకే ఆమెను రోడ్ షో ముగించుకోవాలని సూచించినట్లు వైద్యులు పేర్కొన్నారు. ఇదిలా ఉండగా సోనియా ర్యాలీ మధ్యలోనే ముగించుకొని వెళ్లినప్పటికీ ర్యాలీ మాత్రం షెడ్యూల్ లో పేర్కొన్న వారణాసి కాశీ విశ్వనాథ ఆలయం వరకు కొనసాగింది.

బహిరం సభ రద్దు...

సోనియాకు అస్వస్థత కారణంగా మంగళవారం నిర్వహించతలపెట్టిన బహిరంగ సభతో పాటు మిగిలిన కార్యక్రమాలు కాంగ్రెస్ పార్టీ రద్దు చేసుకున్నట్లు ఆ పార్టీ ఎమ్మెల్యే అజయ్ రాయ్ మీడియాకు తెలిపారు. యూపీ ఎన్నికల నేపథ్యంలో మోడీ సొంత నియోజకవర్గమైన వారణాసిలో నిర్వహించిన ర్యాలీలో పాల్గొన్న సోనియా... మోడీ సర్కార్ పై తీవ్ర స్థాయిలో విరుచుకు పడ్డారు. మోడీ బడాబాబులకు మాత్రమే మేలు చేశారని విమర్శించారు. మోడీ హాయంలో పేద, మధ్య తరగతి ప్రజల బతుకులు భారమయ్యాయని సొనియా ఆవేదన వ్యక్తం చేశారు.