వీటిల్లో జాబ్ అంటే ఉద్యోగులకు పండగే!

టెక్ ఇండస్ట్రీ అనగానే ఉద్యోగులకు అధిక జీతాలు, ఆకర్షణీయ ప్రోత్సాహకాలకు పెట్టింది పేరు అని అందిరికీ తెలిసిందే. కానీ, అధిక జీతాలు, ఆకర్షణీయ ప్రోత్సాహకాలుండే ప్రతీ కంపెనీలోను ఉద్యోగులు ఆనందంగా ఉంటారనే గ్యారంటీ ఏమీ లేదు. అందుకే ఇటీవలి కాలంలో కొన్ని టెక్ కంపెనీలు తమ ఉద్యోగుల కోసం ప్రత్యేకంగా ఎంప్లాయీ శాటిస్ఫేక్షన్ డిపార్ట్మెంటులను నెలకొల్పుతూ వారిని ఆనందంగా ఉంచేందుకు ప్రయత్నిస్తున్నాయి. 2015 ఎలాగూ అయిపోయింది.. ఈ నూతన సంవత్సరం 2016లో కొత్త కొలువులను వెతుక్కోవాలనుకునే ఉద్యోగార్ధులు ఇక్కడ పేర్కొన్న సంస్థల గురించి తెలుసుకుంటే ఉపయోగంగా ఉంటుంది. టెక్ ప్రపంచంలో ఏ కంపెనీలో ఉద్యోగులు ఎక్కువ ఆనందంగా ఉంటున్నారని ప్రముఖ సంస్థ గ్లాస్ డూర్ సర్వే నిర్వహించి 21 కంపెనీలతో ఒక జాబితా రూపొందించింది. ఉద్యోగుల సంతృప్తి, జీతభత్యాలు, పని సంస్కృతి, ప్రోత్సాహకాల ఆధారంగా పాయింట్లను ఇచ్చింది. ఆశ్చర్యంగా ఆ జాబితాలో ఫేస్ బుక్, గూగుల్ లాంటి ఇంటర్నెట్ దిగ్గజాలను తోసి రాజని ఇతర కంపెనీలు ముందంజలో ఉన్నాయి. ఎయిర్ బిఎన్బీ సంస్థ 5 పాయింట్లకు 4.6 పాయింట్లతో అగ్రస్థానంలో నిలిచింది. మిగిలిన సంస్థల వివరాలు ఇలా ఉన్నాయి.

కంపెనీ పేరు: ఎయిర్ బిఎన్బి రేటింగ్ : 5 పాయింట్లకు 4.6 ఇది ఒక ట్రావెల్ సంస్థ. తాము ఉండగా ఖాళీగా ఉన్న గదులు, ఇళ్లను టూరిస్టులకు అద్దెకు ఇచ్చే మార్కెట్లోకి కొత్తగా వచ్చే వారికి హెల్ప్ చేస్తుందీ సంస్థ.

(1)కంపెనీ పేరు: గైడ్ వైర్
రేటింగ్ : 5కు 4.5 పాయింట్లు.
ఇన్సూరెన్స్ సంస్థలకు గైడ్ వైర్ సంస్థ సాఫ్ట్ వేర్లను తయారుచేస్తుంటుంది.

2) కంపెనీ పేరు: హబ్ స్పాట్
రేటింగ్ : 5కు 4.4 పాయింట్లు
ఇది వివిధ సంస్థలకు సేల్స్ అండ్ మార్కెటింగ్ సాఫ్ట్వేర్లను తయారుచేస్తుంటుంది.

కంపెనీ పేరు: ఫేస్ బుక్
రేటింగ్ : 5కు 4.4 పాయింట్లు.
ప్రపంచపు అతి పెద్ద సోషల్ మీడియా సైట్ గా ఫేస్ బుక్ గురించి పరిచయం అక్కరలేదు.


కంపెనీ పేరు: లింక్డిన్
రేటింగ్: 5కు 4.4 పాయింట్లు.
బిజినెస్ ప్రొఫెషనల్స్ అమితంగా ఇష్టపడే సోషల్ నెట్వర్క్ సైటుగా, జాబ్ హంటింగ్ సైటుగా కూడా లింక్డిన్ ప్రఖ్యాతి చెందింది.

కంపెనీ పేరు: గూగుల్
రేటింగ్: 5 కు 4.3 పాయింట్లు.
ప్రపంచపు అతిపెద్ద ఇంటర్నెట్ సెర్చింజిన్ దిగ్గజంగా గూగుల్ అందరికీ సుపరిచితమే. కేవలం సెర్చింజిన్ గానే కాకుండా ఇమెయిల్, ఆఫీస్ సాఫ్ట్వేర్లకు కూడా గూగుల్ ప్రసిద్ధమే. ప్రముఖ టెక్ ప్రాజెక్టుల్లో కూడా గూగుల్ భాగస్వామ్యం ఉంటుంది.

కంపెనీ పేరు: జిల్లో
రేటింగ్ : 5కు 4.3 పాయింట్లు
జిల్లో ఒక ఆన్ లైన్ రియల్ ఎస్టేట్ సైటుగా పేరొందింది.

కంపెనీ పేరు: వరల్డ్ వైడ్ టెక్నాలజీ
రేటింగ్: 5కు 4.3 పాయింట్లు
వరల్డ్ వైడ్ టెక్నాలజీ ఒక ప్రపంచ శ్రేణి టెక్నాలజీ కన్సల్టింగ్ కంపెనీ.

కంపెనీ పేరు: మైండ్ బాడీ
రేటింగ్ : 5కు 4.2 పాయింట్లు
మైండ్ బాడీ సంస్థ సాఫ్ట్వేర్ సంస్థలకు అపాయింట్మెంట్ ఆధారిత వ్యాపార సేవలందిస్తుంది.

కంపెనీ పేరు: ఎక్స్పీడియా
రేటింగ్: 5 కు 4.1 పాయింట్లు
ఇది ఒక ఆన్ లైన్ ట్రావెల్ సైట్. వినూత్న విధానాలతో జనాలను ఆకట్టుకుంటూ ఉంటుంది.

కంపెనీ పేరు: రాయట్ గేమ్స్
రేటింగ్: 5కు 4.1 పాయింట్లు
రాయట్ గేమ్స్ సంస్థ లీగ్ ఆఫ్ లిజెండ్స్ లాంటి ప్రఖ్యాతి చెందిన వీడియో గేముల సృష్టికర్త.
కంపెనీ పేరు: అడోబ్
రేటింగ్: 5కు 4.1 పాయింట్లు
అడోబ్ ఒక సాప్ట్వేర్ తయారీ సంస్థ. ఫోటో ఎడిటింగ్ సాఫ్ట్వేర్, డిజైనింగులకు ప్రసిద్ధి ఈ సంస్థ.

కంపెనీ పేరు:యాపిల్
రేటింగ్: 5కు 4.0 పాయింట్లు
ఐఫోన్లు, ఐప్యాడ్లు, మెకింతోష్ కంప్యూటర్ల తయారీదారుగా యాపిల్ గురించి పరిచయం అక్కరలేదు.

కంపెనీ పేరు:ట్విట్టర్
రేటింగ్: 5కు 4.0 పాయింట్లు
మైక్రో బ్లాగింగ్ సోషల్ నెట్వర్క్ సైటుగా ట్విట్టరు అందరికీ తెలిసిన ప్రముఖ సంస్థ. ట్విట్టరు ద్వారా ప్రముఖులు తెలిపే అభిప్రాయాలు, చేసే వ్యాఖ్యానాలు ఎంతటి ప్రసిద్ధమో వేరే చెప్పనక్కర్లేదు.

కంపెనీ పేరు: పేకామ్
రేటింగ్: 5కు 4.0 పాయింట్లు
ఆన్ లైన్ పేరోల్, హ్యూమన్ రిసోర్స్ సాఫ్ట్వేర్ ప్రొవైడింగ్ సేవలందిస్తుంటుంది.

కంపెనీ పేరు: అకామీ
రేటింగ్: 5కు 4.0 పాయింట్లు
అకామీ సంస్థ కంటెంట్ డెలివరీ నెట్వర్క్ ద్వారా ప్రపంచ వ్యాప్తంగా మీడియా సైట్లు, ఇతర అతి పెద్ద వెబ్ సైట్లు అత్యంత వేగంగా పనిచేసేలా చేస్తుంటుంది.

కంపెనీ పేరు: సేల్స్ ఫోర్స్
రేటింగ్: 5కు 4.0 పాయింట్లు
సేల్స్ ఫోర్స్ సంస్థ క్లౌడ్ సర్వీసుగా ప్రపంచ వ్యాప్తంగా కంపెనీలకు బిజినెస్ సాఫ్ట్వేర్లను అందిస్తుంటుంది.

కంపెనీ పేరు: ఎఫ్5 నెట్వర్క్స్
రేటింగ్: 5కు 4.0
ఎఫ్5 నెట్వర్క్స్ కంప్యూటర్ సెక్యూరిటీ కోసం పరికరాలను తయారుచేస్తుంటుంది.

కంపెనీ పేరు: వర్క్ డే
రేటింగ్: 5కు 4.0
క్లౌడ్ విధానంలో వర్క్ డే సంస్థ ప్రపంచ శ్రేణి సంస్థలకు హ్యూమన్ రిసోర్సెస్ సాఫ్ట్వేర్ తయారుచేసి సరఫరా చేస్తుంటుంది.