వాస్తవానికి మళయాళం దర్శకుడు వినీత్ శ్రీనివాసన్ దర్శకత్వంలో ఓ మళయాళంలో సినిమా ద్వారా ఫుల్ లెంత్ యాక్టర్ అవ్వాలనుకున్నాడు గౌతమ్. కానీ అంతకన్నా ముందే నయనతార నటిస్తున్న ఈ సినిమాతో విలన్ అవతారమెత్తుతున్నాడు.
Mobile AppDownload and get updated news
దర్శకుడిగా, నిర్మాతగా, రచయితగా ఇప్పటివరకు సక్సెస్‌ఫుల్ ఫిలింమేకర్ అనిపించుకున్న సౌతిండియన్ సినీపర్సనాలిటీ గౌతమ్ వాసు‌దేవ్ మీనన్ ఇకపై నటనలోనూ తనకున్న ప్రావీణ్యాన్ని పరీక్షించుకునేందుకు రెడీ అవుతున్నాడు. తన సినిమాల్లో అప్పుడప్పుడు అతిథి పాత్రల్లో కనిపించే గౌతమ్ మీనన్.. ఇక ఫుల్ లెంత్ యాక్టింగ్‌కి సిద్ధపడుతున్నాడు. అథర్వ, నయన్ తార జంటగా అజయ్ జ్ఞానముత్తు డైరెక్ట్ చేయనున్న ఇమైక్క నొడిగల్ మూవీలో గౌతమ్ ఓ నెగటివ్ పాత్రలో కనిపించనున్నాడు. మొదట ఈ పాత్ర చేయడానికి అంతగా ఇష్టం ప్రదర్శించని గౌతమ్.. అజయ్ ఇచ్చిన స్క్రిప్ట్ చదివాకా అది బాగా నచ్చడంతో అంగీకరించినట్టు తెలుస్తోంది.