సాధారణంగా మారథాన్ వంటి సుదీర్ఘపరుగుల్లో పాల్గొనేవారు ఉన్నత కుటుంబాల నుండే ఎక్కువగా వస్తుంటారు. వారిని దృష్టిలో పెట్టుకున్న ముంబయి మారథాన్ నిర్వాహకులు ఖరీదైన రెస్టారెంటు నుండి ఆ శాండ్ విచ్ లను ఆర్డర్ చేసి చాలా మొత్తం ఖర్చుపెట్టి తెప్పించారు. ఆజాద్ మైదానానికి సమీపంలో నిరుపేదలు నివసించే కాలనీ ఒకటి ఉంది. కాలే కడుపులతో ఉండే కాలనీ వాసులు ఎక్కడ ఆజాద్ మైదానానికి వచ్చి ఆ శాండ్ విచ్ లను దొంగతనం చేసి తినేస్తారోననే భయంతో వాటిని టేబుళ్ల కింద దాచిపెట్టారని.. పోటీ ముగియగానే వాటిని మరిచిపోయి ఎవరి దారిన వారు వెళ్లిపోయారని.. పేరు చెప్పవద్దని కోరుతూ ముంబయి మారథాన్ సిబ్బంది ఒకరు చెప్పారు. మారథాన్లో పాల్గొనేవారికోసం ఆర్డర్ చేసిన ఒక్కో శాండ్ విచ్ ప్యాకెట్లో శాండ్ విచ్ తో పాటు ఒక బనానా కేకు ముక్క, ఒక యాపిల్, ఒక చాక్లెట్, ఒక స్లిమ్ మిల్క్, ఐస్డ్ టీ పౌడర్, నీళ్లతో నిండిన సీల్డ్ గ్లాస్ ఉంటుంది. వీటిని రిఫ్రెష్మెంట్ ప్యాక్ గా కూడా పిలుస్తారు. దేశంలోని 20 ప్రఖ్యాత కార్పోరేట్ సంస్థలు ఈ ఈవెంటును స్పాన్సర్ చేశాయి. అటు మారథానర్లకు ఇవ్వక.. ఇటు పేదల కడుపూ నింపక తిండిని ఆ కార్పోరేట్ సంస్థలు వృధా చేయడం పట్ల సర్వత్రా విమర్శలు వస్తున్నాయి.
Mobile AppDownload and get updated news