శని దేవాలయంలోకి ప్రవేశించేందుకు భూమాత బ్రిగేడ్ మహిళా కార్యకర్తల యత్నం
Mobile AppDownload and get updated news
మహారాష్ట్రలోని శని సింఘనాపూర్లోని ప్రముఖ శని దేవాలయంలోకి మహిళల ప్రవేశాన్ని ప్రముఖ ఆధ్యాత్మిక గురువు రవిశంకర్ సమర్థించారు. శని దేవాలయంలోకి మహిళలను నిరోధించే పురాణాల్లో రాసి లేదని ఆయన ఈ సందర్భంగా వ్యాఖ్యానించారు. దేశంలో మహిళలు ప్రవేశించవీల్లేని ప్రముఖ హిందూ దేవాలయాల్లో శని దేవాలయం కూడా ఒకటి. దక్షిణాదిలో శబరిమల క్షేత్రంలో కూడా మహిళలకు ప్రవేశం లేదు. ఈ అంశంపై సుప్రీం కోర్టు కూడా ఇటీవల కొన్ని వ్యాఖ్యలు చేసిన నేపథ్యంలో భూమాత బ్రిగేడ్ పేరిట మహిళా హక్కుల కార్యకర్తల బృందం ఒకటి శని దేవాలయంలోకి ప్రవేశించేందుకు బుధవారం నాడు ప్రయత్నించగా దాన్ని దేవాలయ వర్గాలు భగ్నం చేశాయి. ఈ సందర్భంగా మహిళల ప్రవేశానికి అనుకూలంగా, వ్యతిరేకంగా రెండు గ్రూపులుగా విడిపోయిన బృందాల దేవాలయం వద్ద మోహరించడంతో ఉద్రిక్త వాతావరణం నెలకొంది. పోలీసులు పెద్ద ఎత్తున తమ బలగాలను మోహరించారు. ఈ ఘటనపై రవిశంకర్ స్పందించారు. మహిళలకు దేవాలయంలో ప్రవేశాన్ని నిరోధించాలనేదాన్ని బలపరిచే పురాణ ప్రతులేవీ లేవన్నారు. దేవాలయంలోకి పురుషులు ప్రవేశించగా లేనిది.. స్త్రీలు ప్రవేశిస్తే తప్పేమిటని ప్రశ్నించారు. ఏ ఆధ్యాత్మిక గ్రంథమైనా మహిళల పట్ల వివక్ష చూపదని స్పష్టం చేసారు.