Mobile AppDownload and get updated news
రైతుల రెట్టింపు ఆదాయమే లక్ష్యంగా తమ ప్రభుత్వం పనిచేస్తుందని ప్రధాని మోడీ అన్నారు. దేశ అభివృద్ధిలో వ్యవసాయ రంగానిదే కీలక ప్రాత అని వెల్లడించారు. వ్యవసాయ రంగంలో వృద్ధి సాధించలంటే పెట్టుబడుపెంచాల్సి ఉందన్నారు. వ్యవసాయం రంగంలో పెట్టుబడులు పెంచడం ద్వారా రైతుల ఆదాయం పెంచవచ్చన్నారు. ఇదే అంశాన్ని పార్లమెంట్ లోనూ ప్రస్తావించామని... దీనిపై ప్రతిపక్షాలు హేళన చేశాయన్నారు. అయితే దీన్ని ఆచరణ సాధ్యం చేసి ప్రతిపక్షాల విమర్శలకు సమాధానం చెబుతామన్నారు. ఢిల్లీలో శనివారం అడ్వాన్సింగ్ ఆసియా సదస్సులో ప్రధాని మోడీ పాల్గొన్నారు. ఈ సందర్భంగా ఆయన మాట్లాడుతూ ప్రపంచ ఆర్ధిక వ్యవస్థలో ఆసియా ప్రధాన ప్రాత పోషిస్తోందన్నారు. ఆర్ధికాభివృద్ధిలో ఆసియా దేశాలకు భారత్ మార్గదర్శకంగా నిలుస్తుందన్నారు. అయితే తమ వ్యాపార ప్రయోజనాల కోసం పొరుగు దేశాల ప్రయోజనాలను పణంగా పెట్టమని మోడీ హామీ ఇచ్చారు. తమకు వ్యాపారం ఎంత ముఖ్యమో .. పొరుగుదేశాలతో సంబంధాలు కూడా అంతే ముఖ్యమన్నారు. ఈ కార్యక్రమంలో ఆసియా దేశాలకు చెందిన పలువురు ప్రతినిధులు పాల్గొన్నారు.
