ముంబైలోని ఓ అపార్ట్‌మెంట్లో 21 ఏళ్ల యువతి అనుమానాస్పద స్థితిలో మృతి చెందింది. ఆమె సినిమాలలో చిన్నచిన్న పాత్రలు వేసే రుస్కర్ ఖాన్ గా పోలీసులు గుర్తించారు. పూర్తి వివరాల ప్రకారం... రుస్కర్ ఖాన్, పాయల్ బంజారా స్నేహితులు. గత శుక్రవారం రాత్రి పాయల్, రుస్కర్ ని తన అపార్ట్‌‌మెంటుకు పార్టీ చేసుకునేందుకు పిలిచింది. అలాగే మరో ఇద్దరు మగ స్నేహితులను కూడా పిలిచింది. నలుగురూ కలిసి ఎనర్జీ డ్రింకులో డ్రగ్స్ కలుపుకుని తాగారు. ఉదయాన మగ స్నేహితులు వెళ్లిపోగా, రుస్కర్ నిద్రపోయింది. పాయల్ కి ఆరోగ్యం బాగోలేనట్టు అనిపించడంతో ఆసుపత్రికి వెళ్లింది. అనంతరం రుస్కర్‌కి ఎన్ని సార్లు ఫోన్ చేసినా ఆమె ఎత్తకపోవడంతో... ఓ స్నేహితుడిని తన అపార్ట్ మెంటుకు వెళ్లి చూసి రమ్మని కోరింది పాయల్. స్నేహితుడు ఎంత లేపినా రుస్కర్‌లో చలనం లేకపోవడంతో వెంటనే ఆసుపత్రికి చేర్చాడు. డాక్టర్లు ఆమె అప్పటికే మరణించినట్టు చెప్పారు. పాయల్ ఇంట్లో మిగిలిపోయిన ఎనర్జీ డ్రింకు క్యాన్లను పోలీసులు గుర్తించారు. అలాగే తెల్లటి పొడిని కూడా స్వాధీనం చేసుకున్నారు. కాగా పోలీసులు మాట్లాడుతూ మోతాదుకు మించిన డ్రగ్స్, అలాగే ఎనర్జీ డ్రింకు, డ్రగ్స్ మిశ్రమాన్ని రుస్కర్ శరీరం తట్టుకోలేక ఉండొచ్చని అంటున్నారు. ఆమె శరీరంపై ఎక్కడా గాయాలు లేవని చెప్పారు. అలాగే ఆమపై అత్యాచారం లాంటిదేమైనా జరిగిందేమోనని కూడా పరిశోధన చేస్తున్నారు. ఈ మేరకు వైద్యులు ఆమె శరీరం నుంచి ఆధారాలని సేకరించారు. అయితే మృతురాలి కుటుంబీకులు మాత్రం పలు అనుమానాలు వ్యక్తం చేశారు. అందరూ వెళ్లిపోయినా రుస్కర్ ని మాత్రం అపార్ట్ మెంట్లో ఒక్కదాన్నే ఎందుకు వదిలేశారని అడిగారు.
ఇంట్లో దొరికిన తెల్లటి పౌడర్ ని మెథాఫెటామైన్ అనే డ్రగ్ గా పోలీసులు అనుమానిస్తున్నారు. దీనిని కొంచెం తీసుకుంటే... ఆకటి లేక పోవడం, బరువు తగ్గిపోవడం, మూడ్ ఒక్కసారిగా మారిపోవడం, ఏకాగ్రత హఠాత్తుగా పెరిగిపోవడం వంటి మార్పులు కలుగుతాయి. అదే ఎక్కువ మోతాదులో తీసుకుంటే మాత్రం హాని తప్పదు. మెదడులోని నరాలను దెబ్బతీస్తుంది.
Mobile AppDownload and get updated news