కూతురిని మందలించిన మోహన్ బాబు

కలెక్షన్ కింగ్ మోహన్ బాబు... ఏ విషయమైనా మొహమాటం లేకుండా చెప్పేస్తారు. తన కూతురు విషయంలో కూడా ఆయన అలాగే ప్రవర్తించారు. ఈ మధ్యన దర్శకుడు ప్రవీణ్ సత్తారు సినిమా గుంటూరు టాకీస్ విడుదలైన సంగతి తెలిసిందే. దానిలో అడల్ట్ కంటెంట్ ఎక్కువగా ఉంది. ఆ సినిమాలో మంచు లక్ష్మి చిన్న గెస్ట్ రోల్ చేసింది. ఒక సీన్ లో దొంగ దగ్గర నుంచి డబ్బులు కొట్టేసే క్యారెక్టర్లో నటించింది. ఆ సినిమా విడుదలైన తరువాత మోహన్ బాబుకు మంచు లక్ష్మి అందులో నటించిన సంగతి తెలిసిందట. కూతురిని పిలిచి అలాంటి బిగ్రేడ్ సినిమాలో ఎందుకు నటించావ్ అంటూ కోప్పడ్డారట. అందులోనూ అలాంటి సీన్లో ఎందుకు కనిపించావంటూ సీరియస్ అయ్యారట. దానికి మంచు లక్ష్మి దర్శకుడు ప్రవీణ్ సత్తారు మీద ఉన్న గౌరవంతో నటించినట్టు చెప్పిందట. ఇంకెప్పుడు అలాంటి సినిమాలలో చేయనని మాటిచ్చిందట.