తమిళ సినీ క్రికెట్‌లో స్టార్స్ సందడి

నడిగర్ సంఘం బిల్డింగ్ నిర్మాణం కోసం నచ్శతిరా క్రికెట్ లీగ్ పేరిట నిర్వహిస్తున్న సెలబ్రిటీ క్రికెట్ టోర్నమెంట్ ఇవాళ ఉదయం చెన్నైలోని మా చిదంబరం స్టేడియంలో ప్రారంభమైంది. ఈ టోర్నమెంట్లో మొత్తం 8 జట్టు పాల్గొంటున్నాయి. చెన్నై సింగమ్స్(కెప్టెన్-సూర్య), మదురై కాలైస్(కెప్టెన్- విశాల్), కోవై కింగ్స్( కెప్టెన్-కార్తి), నెల్లాయి డ్రాగన్స్(కెప్టెన్ - జయం రవి), రమ్నద్ రైనోస్(కెప్టెన్ - విజయ్ సేతుపతి), తంజై వారియర్స్( కెప్టెన్ జీవా), తిరుచ్చి టైగర్స్(కెప్టెన్ - శివ కార్తికేయన్), సేలం చీతాస్( కెప్టెన్ - ఆర్య) జట్లు పాల్గొంటున్న ఈ క్రికెట్ టోర్నమెంట్‌ని దగ్గరుండి ప్రోత్సహించేందుకు తమిళ సినీప్రముఖులతోపాటు కర్ణాటక నుంచి శాండిల్ వుండ్ సినీ ప్రముఖులు శివ రాజ్ కుమార్, టాలీవుడ్ నుంచి తెలుగు సినీ ప్రముఖులు నాగార్జున, బాలక్రిష్ణ, రాజేంద్రప్రసాద్, శ్రీకాంత్ వంటి స్టార్స్ తరలివెళ్లారు.

కమల్ హాసన్, రజనీకాంత్ లాంటి ప్రముఖులు హాజరైన ఈ టోర్నమెంట్‌కి అజిత్, విజయ్, ధనుష్, శింభు వంటి స్టార్స్ స్కిప్ అయ్యారు.

ఉదయం 9:30 నుంచి రాత్రి 10 గంటలవరకు ఈ మ్యాచ్‌లన్నింటినీ సన్ టీవీ లైవ్‌లో ప్రసారం చేయనుంది.