రాధికా ఆప్టే గ్లామర్‌కి ఫిదా అయిన వర్మ!

వివాదాల దర్శకుడిగా పేరొందిన రాంగోపాల్ వర్మ మనసులో ఏది ఇట్టే దాగి వుండదు. ఎవరి గురించైనా... అది ఏ విషయమైనా తాను అనుకున్నది అనుకున్నట్టు చెప్పడానికి ఏ మాత్రం సంశయించని రాంగోపాల్ వర్మ కన్ను తాజాగా మరాఠీ బ్యూటీ రాధికా ఆప్టేపై పడింది. ఏ క్షణానా 'బద్లాపూర్'తో పరిశ్రమకి పరిచయమైందో తెలియదు కానీ అప్పటి నుంచి ఈ నటి పేరు ఏదో ఓ విధంగా హెడ్‌లైన్స్‌లో నిలుస్తూనే వుంది. ప్రస్తుతం తమిళ సూపర్ స్టార్ రజినీకాంత్ సరసన కబాలి సినిమాలో నటిస్తున్న రాధికా ఆప్టే అందాన్ని పొగుడుతూ రాంగోపాల్ వర్మ చేసిన ట్వీట్ ఆమె ఫ్యాన్ ఫాలోయింగ్‌ని మరింత పెంచింది.

Ahhhhhhhhh!- The hottest I saw in my last 3 births pic.twitter.com/KQ0wIWC2ZJ

— Ram Gopal Varma (@RGVzoomin) May 5, 2016

రాంగోపాల్ వర్మ సినిమాల్లో మహారాష్ట్రకి చెందిన హీరోయిన్లకి ప్రత్యేక స్థానం వుంది. ప్రముఖ అందాల తారలు ఉర్మిలా మటోండ్కర్, అంతరా మాలి, అమృతా కన్విల్కర్‌కి అవకాశాలు ఇచ్చి.. 'రాంగోపాల్ వర్మ హీరోయిన్లు' అని ఆడియెన్స్ వారికి ఓ సెపరేట్ ముద్ర వేసేలా చేశాడు వర్మ. రాధికా ఆప్టేకి కూడా రక్త చరిత్రలో హీరోయిన్‌గా అవకాశం కల్పించాడు. మళ్లీ ఇన్నాళ్లకి రాధికా ఆప్టే గ్లామర్‌పై మనసుపారేసుకున్నాడో ఏమో కానీ... "ఆహ్హ్హహ్హ్హ్.. నా చివరి మూడు జన్మల్లో ఇంత అందాన్ని చూడలేదు" అంటూ ఎఫ్‌హెచ్‌ఎం మ్యాగజైన్ కవర్ పేజీకి ఆమె ఇచ్చిన ఫోజుని పోస్ట్ చేసి మరీ ట్వీట్ చేశాడు. బహుశా రాధికతో ఈ రాంగోపాల్ త్వరలోనే ఓ సినిమాకి ప్లాన్ చేసినా చేయొచ్చేమో!!