అజహర్ పాత్రలో ఇమ్రాన్ హష్మి నటించిన 'అజహర్' చిత్రం నేడు విడుదలయింది. అజహర్ పాత్రలో ఇమ్రాన్ హష్మి ,అజహర్ మొదటి భార్య పాత్రలో ప్రాచీ దేశాయ్ నటించగా, రెండో భార్య సంగీతా బిజిలానీగా నర్గీస్ ఫక్రీ నటించింది.ఏక్తా కపూర్‌ నిర్మించిన ఈ చిత్రాన్ని కొత్త దర్శకుడు టోనీ డిసౌజా తెరకెక్కించారు.ఇందులో రవిశాస్త్రిగా గౌతమ్‌ గులాటి, సిద్ధుగా మన్‌జోత్‌సింగ్‌ నటించారు. లాయర్‌గా లారా దత్తా నటించింది. భారత క్రికెట్ జట్టు మాజీ కెప్టెన్ అజహరుద్దీన్ జీవిత కథ అని ప్రచారం జరగటమే కాక స్వయంగా అజహరుద్దీన్ కథ ఫైనల్ చేయటం, ప్రచారంలో పాల్గొనటంతో 'అజహర్' ఆసక్తి రేకెత్తించింది. ప్రచార కార్యక్రమాల్లో పాల్గొన్న అజహర్‌కు తన మీద వచ్చిన ఫిక్సింగ్ ఆరోపణలు నిజమా కాదా అన్న ప్రశ్న ఎదురైనప్పుడు ఆయన దానికి సమాధానం 'అజహర్'లోనే చూడండని చెప్పారు. దీంతో ఇది ఆయన కథే అని అంతా ఫిక్సయిపోయారు. అయితే జోక్ ఏమిటంటే సినిమా మొదట్లో ఇది అజహరుద్దీన్ జీవిత కథ కాదని చెప్పటం. అజహర్ కు ఏం జరిగిందో ప్రేక్షకులకు ముందే తెలుసు కనుక కోర్టు రూములో సస్పెన్స్ కూడా లేదు. హీరో అంటే మనకు ఎలాంటి సింపతీ కూడా కలగదంటే చిత్రీకరణ ఎలా ఉందో ఊహించుకోవచ్చు. అతనిపై నిషేధం విధించిన 8 సంవత్సరాల తరువాత అతనికి క్లీన్ చిట్ రావటం ఈలోగా అతని జీవితం ఎలా సాగిందనేది ముఖ్య కథాంశంగా తీసుకున్నారు.
అజహర్ తో ఫిజికల్ గా ఎలాంటి సారూప్యం లేని ఇమ్రాన్ హష్మీని ఎలా ఇందులో తీసుకున్నారనేది అంతుబట్టని విషయం. అతను తన పాత్రలో చాలా కష్టపడి నటించినా ప్రేక్షకుడికి ఆ ఫీల్ రాకపోవటానికి అదో కారణం. మిగతా క్రికెటర్లు కూడా ఒక్కరూ అసలుకు తగినట్లు లేకపోవటం ఇందులో విశేషం. ![]()
ఇక కథలోకి వెళ్తే... హైదరాబాద్ లో ఓ మధ్య తరగతి ముస్లిం కుటుంబానికి చెందిన వ్యక్తి మహమ్మద్. క్రికెట్ అన్నా క్రికెటర్లు రవిశాస్త్రి (గౌతమ్‌ గులాటి) సిద్ధు(మన్‌జోత్‌సింగ్‌) అన్ని విపరీతమైన ఇష్టం. గల్లీ క్రికెట్ స్థాయినుంచి రాష్ట్రస్థాయినుంచి జాతీయ జట్టుకు ఆడేవరకూ దీక్షగా ఆడుతుంటాడు. జట్టులో విపరీతమైన పాప్యులారిటీ సంపాదించుకుని అనంతరం జాతీయ జట్టు కెప్టెన్ అవుతాడు. నౌరీన్(ప్రాచీ దేశాయ్) తో అతని కుటుంబసభ్యులు పెళ్లి చేస్తారు. పెళ్లి తరువాత అజహర్ బాలీవుడ్ నటి సంగీత(నర్గీస్) ప్రేమలో పడతాడు. 99 మ్యాచ్ లు ఆడి వందో మ్యాచ్ ఆడనున్న తరుణంలో ఇతనిపై మ్యాచ్ ఫిక్సింగ్ ఆరోపణ వస్తుంది. కోర్టులో కేసు నడుస్తుంది. అతనికి అనుకూలంగా లాయర్ రెడ్డి(కునాల్) వ్యతిరేకంగా మీరా (లారాదత్తా) వాదిస్తారు. ఈ సీనులో లారాదత్తా విపరీతంగా బోరు కొట్టించేస్తుంది. మొత్తంమీద కొత్త విషయం ఏదైనా చెబుతారేమో...పోనీ ఉన్నదైనా ఆకట్టుకునేలా చెబుతారేమో అనుకుంటే రెండిటిలో ఏదీ జరగక రెండున్నర గంటలు ఎప్పుడు అవుతుందా అని వెళ్లినవాళ్లు వెయిట్ చేయాల్సిందే.
రేటింగ్: 2.5\5
Mobile AppDownload and get updated news
