శింబు ప్రేమ భరించలేకపోయా: నయనతార

అందాలతార నయనతార తన అందంతో అభినయంతో ఎంతో మంది అభిమానులను సొంతం చేసుకుంది. నయన్ పైకి ఎంత అందంగా కనిపించినా తన జీవితం మాత్రం అంత అందంగా లేదు. సినిమాలో ఎన్ని మలుపులుంటాయో తన నిజజీవితంలోనూ అన్నే మలుపులున్నాయి. నయనతార మొదట తమిళ హీరో శింబుతో డీప్ గా ప్రేమలో పడిపోయింది. వీరిద్దరికీ సంబంధించిన కొన్ని ప్రైవేట్ ఫోటోస్ ఇంటర్నెట్ లో లీక్ అయ్యాయి కూడా. ఆ తర్వాత కొన్ని రోజులకే శింబుతో బ్రేకప్ చెప్పేసి ప్రభుదేవాను ప్రేమించింది. వీరిద్దరి ప్రేమ పెళ్ళి వరకు వెళ్లింది. కొన్ని ఊహించని సంఘటనలతో పెళ్ళి కాస్త మధ్యలోనే ఆగిపోయింది. ఆ సమయంలో నయన్ బాగా అప్సెట్ అయింది. అయితే ఇంతవరకూ తన పర్సనల్ లైఫ్ విషయాలను నయన్ బయటకు చెప్పుకోలేదు. కానీ రీసెంట్ గా ఓ ఇంటర్వ్యూలో తన బాధను అందరితో పంచుకుంది.



నయన్ మాటల్లో... ''ప్రేమలో ఇద్దరి మధ్య తలెత్తే చిన్నచిన్న అపార్థాలూ, మనస్పర్థలను ఒక దశ వరకూ భరించొచ్చు. కానీ అవి భరించలేనంతగా ఉంటే విడిపోవడమే మంచింది. ప్రేమలో ఉన్నపుడు నాకు అలాంటి అనుభవాలే ఎదురయ్యాయి, అందుకే విడిపోవాల్సి వచ్చింది. సామాన్యులైనా, సెలెబ్రిటీలైనా భావోద్వేగాలనేవి అందరికీ ఒకలానే ఉంటాయి. ఓ దశలో ప్రేమ కోసం సినిమాలకు దూరమవుదామనుకున్నాను. ప్రేమ కోసం నేను ఏం చేయడానికైనా సిద్ధపడ్డాను. కానీ ఆ ప్రేమ అనే బాధ నుంచి బయటపడటానికి నాకు సినిమాలే మంచి ప్రత్యామ్నాయం అయ్యాయి. నా జీవితం నేను అనుకున్నట్లుగా ఎప్పుడూ సాగలేదు. అందుకే భవిష్యత్తు గురించి ఆలోచించడం లేదు.. అంత సమయం కూడా లేదు. ప్రస్తుతం సినిమాల్లో బిజీగా ఉన్నాను'' అని నయన్ తెలియజేసింది. నిజంగా నయన్ మాటల్లో ఎంత బాధ ఉందో కదా? నయన్ నిజజీవితానికి కూడా ఒక హ్యాప్పీ ఎండింగ్ ఉండాలని కోరుకుందాం.