లేట్ గా ముంబై చేరిన టాల్గో ట్రైన్

స్పెయిన్ కు చెందిన కంపెనీ రూపొందించిన టాల్గో ట్రైన్ కు సంబంధించి గత కొంతకాలంగా భారత్ లో ట్రయల్ రన్స్ జరుగుతున్న విషయం తెలిసిందే. ఇందులో భాగంగా మూడో (ఫైనల్) ట్రయల్ రన్ ను తాజాగా ఢిల్లీ -ముంబై మధ్య నిర్వహించారు. గంటకు 130 కి.మీ వేగంతో రైలును పరీక్షించాలనుకున్నారు. అయితే గుజరాత్ లో కురుస్తోన్న భారీ వర్షాల వల్ల దీని ప్రయాణం లేట్ గా సాగింది. వాస్తవానికి ఉదయం 11 గంటలకల్లా ముంబై స్టేషన్ కు చేరుకోవాల్సిన ఈ ట్రైన్ మూడు గంటలు లేటుగా రీచ్ అయింది. ఢిల్లీ నుంచి ముంబైకి మొత్తం 12 గంటల్లో వెళ్లాలనేది టాల్గో లక్ష్యంగా పెట్టుకుంది. పూర్తి హంగులతో ఉన్న ఈ ట్రైన్ ను త్వరలో దేశ రాజధాని ఢిల్లీ, ఆర్థిక రాజ‌ధాని ముంబై మధ్య నడపాలనే యోచనలో రైల్వే శాఖ ఉంది. ఆ తర్వాత ఇతర ప్రాంతాలకు విస్తరించే అవకాశముంది.