ఒలింపిక్స్: మెరిసేదంతా బంగారం కాదు

జీవితంలో ఒక్కసారైనా ఒలింపిక్స్‌ లో అడుగుపెట్టాలని ప్రతి క్రీడాకారుడు కలగంటాడు. ఇందులో బంగారు, రజతం, కాంస్యం ఇలా ఏ పతకం సాధించినా, రేసులో ఏ ప్లేసులో మిగిలినా చాలనుకుంటాడు. బంగారు పతకం వస్తే ఆ క్రీడాకారుడు, క్రీడాకారిణుల ఆనందాలకు అవధులే ఉండవు. వారితో పాటు వారి దేశాలకు ఎంతో గర్వకారణం. అంతటి ప్రఖ్యాత క్రీడల్లో విజేతలకిచ్చే బంగారు పతకాల్లో బంగారమే తక్కువగా ఉండటం ఆశ్చర్యం. దాదాపు 500గ్రాములుండే పతకంలో కేవలం 1.2శాతం మాత్రమే బంగారం ఇమిడి ఉంటుంది. మిగిలిదంతా అంటే 99శాతం వెండి, ఇతర పోతలే కలిసి ఉంటాయని చాలా మందికి తెలియదు. ప్రస్తుత ఒలింపిక్స్ లో గోల్డ్ మెడల్స్ కు అందిస్తున్న బంగారు పతకాలు ప్రస్తుత మార్కెట్ విలువ ప్రకారం ఒక్కోటి కేవలం రూ. 36వేల (587 డాలర్లు) లోపే ధర పలకడం విశేషం.
ఒలింపిక్స్ గోల్డ్ మెడల్స్ గురించి మరింత...


-బంగారు పతకం పేరు, ప్రతిష్టలకే...ధరలో దక్కని విలువ
-పూర్తిస్థాయిలో స్వచ్ఛమైన బంగారు పతకాలు చివరిసారిగా 1912 స్వీడన్ లోని స్టాక్ హోమ్ లో జరిగిన ఒలింపిక్స్ లో విజేతలకు అందజేశారు.
-ఈసారి గోల్డ్ మెడల్స్ సాధించిన హుసేన్ బోల్ట్, మైఖేల్ పెల్ఫ్స్, సైమన్ బైల్స్ సాధించిన 500గ్రాములుండే బంగారు పతకాల్లో 99శాతం వెండి..మిగిలిన 1.2శాతం మాత్రమే బంగారం.
-ప్రస్తుత మార్కెట ధర ప్రకారం అవి కేవలం 587 డాలర్ల విలువ చేస్తాయి.

-'ఒలింపిక్స్ పతకాల తయారీలో భాగస్వాములం కావడం గొప్ప గౌరవం, గొప్ప బాధ్యత' అంటారు బ్రెజిల్ జాతీయ మింట్ విభాగానికి చెందిన విక్టరీ వ్యూగో
-ఈసారి రియో ఒలింపిక్స్ కోసం వివిధ విభాగాల్లో విజేతలకు అందించేందుకు మొత్తం 5,130 పతకాలు రూపొందించారు. ఒక్కో పతకానికి 48 గంటల సమయం పట్టింది. ఇందుకోసం 80మంది రాత్రిబంవళ్లు పనిచేశారు.
-పతకాలకు వాడే వెండి పాత గాజు పలకలు, ఎక్స్ రే పలకల నుంచి సేకరిస్తారు. పాదరసం నుంచి బంగారం తీస్తారు. పాదరసం, ముతక లోహం నుంచి బంగారాన్ని వేరు చేసేటప్పుడు తగు జాగ్రత్తలు తీసుకోకపోతే విషవాయువులు వెలువడి వాతావరణాన్ని కలుషితం చేస్తాయి.


-గ్రీకులు ఆరాధ్యదైవంగా భావించే నైక్ దేవత రెక్కలతో ఒలింపిక్స్ రింగుల కిందికి వాలుతున్నట్లుగా ఉండే ఆకారం ముద్రించడం ఆనవాయితి. మిగతా వైపు ఏ దేశంలో ఒలింపిక్స్ లో నిర్వహిస్తారో ఆ దేశ సంస్కృతి, సంప్రదాయాలు ప్రతిబింబించేలా ఆకారం ముద్రిస్తారు.
-ప్రతి విజేత గెలుపు కోసం వారి గుండెలపై వాలేలా, మా పనితనం (పతకాలు తయారు చేయడం) నిలిచిపోయేలా 40ఏళ్లుగా వీటి తయారీలో పాల్గొనడం మాకెంతో తృప్తినిస్తోంది అంటారు 40ఏళ్లుగా మింట్ లో పనిచేస్తున్న నెల్సన్.