ఢిల్లీ బేకరీలో పేలుడు: ముగ్గురి మృతి

ఢిల్లీలోని కురేజీ ప్రాంతంలో ఉన్న ఓ బేకరీలో పేలుడు సంభవించింది. ఆ పేలుడులో ముగ్గురు అక్కడికక్కడే మరణించారు. గురువారం ఉదయం అయిదున్నర గంటల సమయంలో ఈ ఘటన చోటు చేసుకుంది. పేలుడు సంభవించడానికి కారణం ఇంకా తెలియరాలేదు. ఉగ్ర కుట్ర ఏమీ లేదనే వాదన వినిపిస్తోంది. బేకరీలో వాడే గ్యాస్ సిలిండర్ లేదా, ఓవెన్ పేలడం వల్ల ఈ పేలుడు సంభవించినట్టు తెలుస్తోంది. పోలీసులు, అగ్నిమాపక దళం, బాంబు నిర్వీర్య సిబ్బంది... అందరూ సంఘటనా స్థలానికి చేరుకున్నారు. చుట్టుపక్కల ప్రాంతాల్లో నిషేధాజ్ఞలు విధించి, తనిఖీలు నిర్వహిస్తున్నారు. ఇంతవరకు ఎలాంగి ఉగ్రకుట్ర ఉన్న ఆనవాళ్లు బయటపడలేదు.