భార్యపై రేప్ కేసు వేసిన భర్త.. తీర్పేంటి??

భర్త తనకు ఇష్టం లేకున్నా తనతో సెక్స్ చేశాడని, అది రేప్ చేయడమేనని ఆరోపిస్తూ.. చాలా మంది మహిళలు కేసు వేయడం చూశాం. కానీ ఇది దానికి విరుద్ధమైన కేసు. తనకు ఇష్టం లేకున్నా భార్య తనతో బలవంతంగా సెక్స్ చేసిందని ఆరోపిస్తూ ఓ వ్యక్తి కోర్టును ఆశ్రయించాడు. వివరాల్లోకి వెళితే..
దక్షిణ కొరియా రాజధాని సియోల్‌కు చెందిన షిమ్, కిమ్ భార్యాభర్తలు. ఒక రోజు శృంగారంలో పాల్గొందామని షిమ్ తన భర్తను ఆహ్వానించింది. కానీ అతడు అందుకు అంగీకరించలేదు. అయినప్పటికీ ఆమె అతడితో బలవంతంగా సెక్స్‌లో పాల్గొందట. అంతటితో ఆగకుండా ఒక రోజుకిపైగా ఇంట్లోనే బంధించిందట. దీంతో తిక్క రేగిన మనోడు కోర్టును ఆశ్రయించాడు. ఇరువురి వాదనలు విన్న న్యాయస్థానం ఆమె రేప్ చేయాలేదని తీర్పు వెలువరించింది. అయితే భర్తను నిర్భందించి, గాయపర్చినందుకు గానూ రెండేళ్ల జైలు శిక్ష విధించింది. భార్యతో బుద్ధిగా మెలగాలంటూ కిమ్‌కు తలంటింది. భాగస్వామి అంగీకారం లేకుండా బలవంతంగా శృంగారంలో పాల్గొనడాన్ని 2013లో దక్షిణ కొరియా నేరంగా గుర్తించింది. అప్పటి నుంచి కొరియాలో ఈ తరహా కేసు నమోదు కావడం ఇదే తొలిసారి కావడం విశేషం.