ఫొటోలను బట్టి చూస్తే రాజమాతగా హేమామాలిని నటిస్తోందని తెలుస్తోంది. గౌతమీ పుత్ర శాతకర్ణిగా బాలయ్య బాబు లుక్ చాలా బాగుందని ఫ్యాన్స్ తెగ సంబరబడుతున్నారు. క్రిష్ ఈ సినిమాను శరవేగంగా తెరకెక్కిస్తున్నారు.
Mobile AppDownload and get updated news
నందమూరి నటసింహం బాలకృష్ణ నటిస్తున్న వందో చిత్రం గౌతమీ పుత్ర శాతకర్ణి. క్రిష్ డైరెక్షన్లో ఈ సినిమాను ప్రతిష్టాత్మకంగా తెరకెక్కిస్తున్నారు. ప్రస్తుతం ఈ సినిమా షూటింగ్ మధ్యప్రదేశ్‌లోని గ్వాలియర్ కోటలో జరుగుతోంది. అక్కడ బాలయ్య బాబు, శ్రేయ, హేమామాలినికి సంబంధించిన కీలక సన్నివేశాలను చిత్రీకరిస్తున్నారు. సినిమా షూటింగ్‌కు సంబంధించిన కొన్ని ఫొటోలు ప్రస్తుతం ఆన్‌లైన్లో దర్శనమిస్తున్నాయి. దీంతో బాలయ్య బాబు అభిమాలు తెగ సంబరపడుతున్నారు. బాలకృష్ణ నడుచుకుంటూ వస్తున్న ఫొటోతోపాటు, పసిబిడ్డను ఎత్తుకొని వస్తున్న శ్రేయ ఫొటో కూడా ఆన్‌లైన్లో హాల్‌చల్ చేస్తోంది. దీంతో ఈ ఫొటోలు సోషల్ మీడియాకి ఎలా చేరాయో తెలియక చిత్ర యూనిట్ కంగారు పడుతోంది. ఇక మీదట ఇలాంటి సంఘటనలు జరగకుండా చూసేందుకు భద్రతను కట్టుదిట్టం చేయాలని భావిస్తున్నారు.